عسآإكـ تــ~ــمـوت من غبنــكـ..~

عدد المساهمات : 13 تاريخ التسجيل : 16/08/2009

عساك تموت من غبنك..

على ذكر المحبه والمدامع والسهر واللوع
اسطر همومي على دفتر احزاني واسجلها

انا اللي سهرت الليل يوم ان المخاليق هجوع
وانا اللي تحملت اصعب مصاعب ما اتحملها

بكيت الدم من قلبي ومن عيني مابكيت دموع
دموع العين تبي تبطي ومتعب ماينزلها

تراه اسهل على الرجال لو انه يحب الكوع
بسيطه لو نصعبها وصعبه لو نسهلها

عرفت الصدق من صغري وصار بداخلي مطبوع
وناسً لو تجاملني تراني ما اجاملها

كريمً واعطي التمره ولو اني بحس الجوع
عزيزً ما اطرد بروقً بعيده في مخايلها

اديور ما اتبع المقفي مدام اني انا المتبوع
اقز الدرب وامشي به ونفسي ما اذللها

عساك تموت من غبنك ولايطري عليك رجوع
حياة الذل يا خلي تراني ما اتقبلها

مدام انك نسيت الدرس والعنوان والموضوع
انا بعكس لك القصه من اخرها الى اولها

عساك تفيق من نومك وتبقى صاحياً مفجوع
عشان تحس بالدنيا وتعرف وش مداخلها

درست الدرس والضمه تجي على المرفوع
تعكس الضمه بكسره على كيفك وتجهلها